Chuo cha Taifa cha Usafirishaji (NIT) kimeshiriki kikamilifu katika maonesho ya miaka 60 ya Mapinduzi ya Zanzibar yaliyofanyika kuanzia tarehe 8 hadi 19 Januari 2024 katika viwanja vya Fumba, Zanzibar. Maonesho hayo yalikuwa ni sehemu muhimu ya kusherehekea miaka 60 tangu kufanyika kwa Mapinduzi ya Zanzibar ambayo yalikuwa na athari kubwa katika historia na mustakabali wa Zanzibar. Tukio hili la kihistoria lilikuwa na umuhimu mkubwa kwa Zanzibar na kwa watu wake, na kulenga kuenzi na kutafakari matukio ya zamani na maendeleo yaliyopatikana.

Katika banda la maonesho la Chuo cha Taifa cha Usafirishaji,kulikuwa na wageni waalikwa mashuhuri waliojitokeza kutembelea na kujionea mchango wa chuo katika sekta ya usafirishaji. Miongoni mwa wageni hao walikuwepo Katibu Mkuu wa Wizara ya Uchukuzi, Prof. Godius Kayharara, Mwenyekiti wa Baraza la Uongozi la Chuo, Prof.Ulingeta Mbamba, na Kaimu Mkuu wa Chuo, Dkt. Zainabu Mshana.

DOWNLOAD DOCUMENT  MAONESHO YA MIAKA 60 YA MAPINDUZI YA ZANZIBAR